ਫਿਕਾ ਬੋਲਿ ਵਿਗੁਚਣਾ ਸੁਣਿ ਮੂਰਖ ਮਨ ਅਜਾਣ ॥
ਅੰਗ- ੧੫
ਫਿਕਾ– ਰੁੱਖਾ
ਬੋਲਿ– ਬੋਲ
ਵਿਗੁਚਣਾ– ਦੁੱਖ
ਸੁਣਿ– ਸੁਣ ਕੇ
ਮੂਰਖ– ਮੂਰਖ
ਮਨ– ਮਨ
ਅਜਾਣ– ਅਗਿਆਨੀ
ਹੇ ਮੇਰੇ ਬੇਸਮਝ ਮੂਰਖ ਮਨ! ਮੇਰੀ ਗੱਲ ਸੁਣ। ਰੁੱਖਾ ਬੋਲਣ ਨਾਲ ਮਨ ਦੁੱਖੀ ਹੁੰਦਾ ਹੈ ਅਤੇ ਪਛਤਾਉਂਦਾ ਹੈ।
ਤੁਸੀਂ ਜਾਣਦੇ ਹੋ ਕਿ 2 ਸੈਕਿੰਡ ਇੱਕ ਦੌੜ ਵਿੱਚ ਕਿਵੇਂ ਵੱਡਾ ਫਰਕ ਪਾ ਸਕਦੇ ਹਨ?
ਕੁਝ ਮੁਕਾਬਲੇ ਅਜਿਹੇ ਹੁੰਦੇ ਹਨ, ਜੋ ਕਿ .02 ਸਕਿੰਟਾਂ ਦੇ ਫਰਕ ਨਾਲ ਵੀ ਤੈਅ ਕੀਤੇ ਜਾ ਸਕਦੇ ਹਨ। ਸਮਾਂ ਸਭ ਤੋਂ ਮਹੱਤਵਪੂਰਣ ਚੀਜ਼ਾਂ ਵਿੱਚੋਂ ਇੱਕ ਹੈ, ਅਸੀਂ ਸਾਰੇ ਇਸ ਗੱਲ ਨੂੰ ਜਾਣਦੇ ਹਾਂ।
ਖ਼ਾਸਕਰ ਜਦੋਂ ਇਹ ਕੁਝ ਕਹਿਣ ਦੀ ਗੱਲ ਆਉਂਦੀ ਹੈ, ਜੋ ਸਾਨੂੰ ਨਹੀਂ ਕਹਿਣਾ ਚਾਹੀਦਾ ਸੀ। ਕੀ ਤੁਹਾਡੇ ਨਾਲ ਵੀ ਇਹ ਚੀਜ਼ ਵਾਪਰਦੀ ਹੈ ਕਿ ਜਿਸ ਚੀਜ਼ ਨੂੰ ਤੁਸੀਂ ਆਪਣੇ ਮਾੜੇ ਮੂਡ ਵਿੱਚ ਕਹਿਣ ਜਾ ਰਹੇ ਹੋ ਅਤੇ ਫੇਰ ਆਪਣੇ ਆਪ ਨੂੰ ਚੁੱਪ ਕਰਾਉਣ ਜਾਂ ਆਪਣੇ ਸ਼ਬਦਾਂ ਨੂੰ ਬਦਲਣ ਵਿੱਚ ਲਗਭਗ 2 ਸਕਿੰਟ ਦਾ ਅੰਤਰ ਰਹਿ ਜਾਂਦਾ ਹੈ, ਜੋ ਇੱਕ ਵੱਡਾ ਫਰਕ ਲਿਆ ਸਕਦਾ ਹੈ?
ਕਈ ਵਾਰ ਅਸੀਂ ਉਨ੍ਹਾਂ ਝਗੜਿਆਂ ਅਤੇ ਦਲੀਲਾਂ ਨੂੰ ਵੇਖਦੇ ਹਾਂ ਜੋ ਚੰਗੇ ਭਾਵਾਂ ਨਾਲ ਖ਼ਤਮ ਨਹੀਂ ਹੋਏ, ਫੇਰ ਸਾਨੂੰ ਅਹਿਸਾਸ ਹੁੰਦਾ ਹੈ ਕਿ ਇਹ ਸਿਰਫ ਦੋ ਸਕਿੰਟਾਂ ਦੀ ਗੱਲ ਸੀ।
“ਕਾਸ਼ ਮੈਂ ਸਿਰਫ 2 ਸਕਿੰਟਾਂ ਲਈ ਚੁੱਪ ਰਹਿੰਦਾ ਅਤੇ ਇਨ੍ਹਾਂ ਸ਼ਬਦਾਂ ਦੀ ਬਜਾਏ ਕੁਝ ਹੋਰ ਉਚਿਤ ਬੋਲਦਾ, ਜਿਸ ਕਾਰਨ ਇਹ ਤਬਾਹੀ ਹੋਈ।”
ਕੁਝ ਅਣਸੁਖਾਵੀਂ ਚੀਜ਼ ਹੋਣ ਤੋਂ ਪਹਿਲਾਂ ਹੀ ਜਾਗਰੂਕ ਹੋ ਜਾਣਾ, ਜੀਵਨ ਦੇ ਬਹੁਤ ਸਾਰੇ ਕੀਮਤੀ ਪਲਾਂ ਨੂੰ ਬਚਾ ਸਕਦਾ ਹੈ। ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਤੁਹਾਨੂੰ ਹਰ ਵੇਲੇ ਮੁਸੀਬਤਾਂ ਤੋਂ ਭੱਜਣਾ ਪਏਗਾ, ਸਿਰਫ ਆਪਣੇ ਸ਼ਬਦਾਂ ਨੂੰ ਬਿਹਤਰ ਸ਼ਬਦਾਂ ਵਿੱਚ ਬਦਲਣ ਦੀ ਸੂਝ ਰੱਖਣ ਦੀ ਯੋਗਤਾ ਰੱਖੋ।
ਜੇ .02 ਸਕਿੰਟਾਂ ਵਿੱਚ ਜਿੱਤ ਦਾ ਫੈਸਲਾ ਕੀਤਾ ਜਾ ਸਕਦਾ ਹੈ, ਤਾਂ ਜਾਗਰੂਕਤਾ ਦੇ 2 ਸਕਿੰਟਾਂ ਵਿੱਚ ਬਹੁਤ ਕੁਝ ਬਦਲਿਆ ਜਾ ਸਕਦਾ ਹੈ। ਕਿਸੇ ਨਾਲ ਗੱਲ ਕਰਨ ਤੋਂ ਪਹਿਲਾਂ ਜਾਣ ਬੁੱਝ ਕੇ ਵਿਰਾਮ ਲਓ ਤਾਂ ਜੋ ਤੁਸੀਂ ਬੋਲਣ ਤੋਂ ਪਹਿਲਾਂ ਹਮੇਸ਼ਾਂ ਜਾਗਰੂਕ ਹੋਣ ਦਾ ਅਭਿਆਸ ਕਰ ਸਕੋ। ਇਹ ਤੁਹਾਡੇ ਚਰਿੱਤਰ ਵਿੱਚ ਬਹੁਤ ਕੁਝ ਚੰਗਾ ਜੋੜ ਦੇਵੇਗਾ ਅਤੇ ਜੀਵਨ ਦੇ ਬਹੁਤ ਸਾਰੇ ਕੀਮਤੀ ਪਲਾਂ ਨੂੰ ਬਚਾਉਣ ਵਿੱਚ ਤੁਹਾਡੀ ਸਹਾਇਤਾ ਕਰੇਗਾ।
ਸੱਚ ਕੀ ਹੈ? 