ਧੰਨ ਗੁਰੂ ਰਾਮਦਾਸ
ਧੰਨ ਗੁਰੂ ਰਾਮਦਾਸ
ਸਾਹਿਬ ਜੀ, ਦਿਨੋ ਦਿਨ ਅਵਗੁਣ ਵਧੀ ਜਾ ਰਹੇ ਨੇ, ਉਮਰਾ ਘਟੀ ਜਾ ਰਹੀ ਹੈ। ਕਾਹਲ, ਦੁਵਿਧਾ, ਘਬਰਾਹਟ ਅਤੇ ਅਵੇਸਲਾਪਣ ਵਧੀ ਜਾ ਰਿਹਾ, ਸਹਿਜ, ਟਿਕਾਓ, ਖੇੜਾ ਘਟੀ ਜਾ ਰਿਹਾ ਹੈ।
ਸਾਹਿਬ ਜੀ ਅਜੀਬ ਅਜੀਬ ਗੱਲਾਂ ਹੀ ਫੁਰਨੇ ਬਣ ਕੇ ਸਾਡਾ ਖਹਿੜਾ ਨਹੀਂ ਛੱਡਦੀਆਂ। ਮਨ ਫੁਰਨਿਆਂ ਦੇ ਜਾਲ ਚ ਐਸਾ ਉਲਝਦਾ ਹੈ ਕਿ ਕਿੰਨਾ ਕਿੰਨਾ ਸਮਾਂ ਇਹਨਾਂ ਚੋਂ ਉਹ ਨਿੱਕਲ ਹੀ ਨਹੀਂ ਪਾਉਂਦਾ।
ਗੁਰੂ ਪਾਤਸ਼ਾਹ ਜੀਓ, ਕਿਰਪਾ ਕਰੋ, ਇੱਕ ਵੀ ਸੁਆਸ ਬਿਨਾਂ ਯਾਦ ਬਤੀਤ ਨਾ ਹੋਵੇ। ਸਾਡੇ ਫੁਰਨੇ ਸਾਡੇ ਕਾਬੂ ਚ ਰਹਿਣ। ਸਾਨੂੰ ਬਾਣੀ ਦਾ ਰਸ ਬਖਸ਼ੋ, ਬਾਣੀ ਪੜ੍ਹਨ ਦਾ, ਸੁਣਨ ਦਾ, ਲਿਖਣ ਦਾ, ਸੰਗਤ ਨੂੰ, ਪਰਿਵਾਰ ਨੂੰ ਸੁਣਾਉਣ ਦਾ ਚਾਓ ਬਖਸ਼ੋ।
ਸਾਹਿਬ ਜੀ, ਅੱਜ ਸਾਰਾ ਦਿਨ, ਸਾਰੀ ਰਾਤ ਗੁਰੂ ਗੁਰੂ ਕਰਦਿਆਂ ਬਤੀਤ ਹੋ ਜਾਏ। ਜਿਵੇਂ ਕੱਲ੍ਹ ਤੁਸੀਂ ਸਾਨੂੰ ਸੰਸਾਰੀ ਗੱਲਾਂ ਤੋਂ ਬਚਾ ਕੇ ਰੱਖਿਆ, ਅੱਜ ਵੀ ਬਚਾਈ ਰੱਖਣਾ। ਸੰਗਤ ਬਖਸ਼ੀ ਰੱਖਣੀ ਆਪਣੀ ਸਾਹਿਬ ਜੀ।
ਐਸੀ ਕ੍ਰਿਪਾ ਕਰੋ, ਸੰਸਾਰੀ ਗੱਲਬਾਤ ਨੂੰ ਸਾਡੇ ਤੋਂ ਪਰੇ ਹੀ ਰੱਖਣਾ। ਆਪਣੇ ਦਰੋਂ ਘਰੋਂ ਬਖਸ਼ੇ, ਸਾਜੇ ਨਿਵਾਜਿਆਂ ਦਾ ਮੇਲਾ ਬਖਸ਼ਦੇ ਰਹਿਣਾ।
ਰੱਖੋ ਸਿਰ ਤੇ ਹੱਥ, ਕੱਟੋ ਮਾੜੇ ਭੈੜੇ ਖੋਟੇ ਕਰਮ, ਬਖਸ਼ੋ ਆਗਿਆ, ਸਾਰੇ ਦਿਨ, ਸਾਰੀ ਰਾਤ ਲਈ ਵਾਹਿਗੁਰੂ ਵਾਹਿਗੁਰੂ ਵਾਹਿਗੁਰੂ ਬੋਲਣ ਦੀ ਦਾਤ।
ਸੁੱਖ ਹੋਵੇ ਨਾਮ ਚਿੱਤ ਆਵੇ, ਸਿੱਖ ਪੜ੍ਹਦੇ ਸੁਣਦੇ ਸਰਬੱਤ ਲਾਹੇਵੰਦ ਹੋਵਣ
ਨਾਨਕ ਨਾਮ ਚੜ੍ਹਦੀ ਕਲਾ
ਤੇਰੇ ਭਾਣੇ।। ਸਰਬੱਤ ਦਾ ਭਲਾ
ਵਾਹਿਗੁਰੂ ਜੀ ਕਾ ਖ਼ਾਲਸਾ
ਵਾਹਿਗੁਰੂ ਜੀ ਕੀ ਫਤਹਿ।।
ਸੱਚ ਕੀ ਹੈ? 