“ਜੇ ਤੁਸੀਂ ਗੁਰੂ ਨੂੰ ਮਿਲਣ ਲਈ ਇੱਕ ਕਦਮ ਚੁਕੋਗੇ ਤਾਂ ਗੁਰੂ ਵੀ ਤੁਹਾਡੀ ਮਦਦ ਕਰਨ ਲੱਖ ਕਦਮ ਚੁੱਕੇਗਾ।”

ਚਰਨ ਸਰਨਿ ਗੁਰ ਏਕ ਪੈਡਾ ਜਾਇ ਚਲ ਸਤਿਗੁਰ ਕੋਟਿ ਪੈਡਾ ਆਗੇ ਹੋਇ ਲੇਤ ਹੈ।।
(ਵਾਰ ਭਾਈ ਗੁਰਦਾਸ ਜੀ)

ਚਰਨ – ਕਦਮ
ਸਰਨਿ ਗੁਰ – ਗੁਰੂ ਦੇ ਰਾਹ ਉੱਤੇ
ਜਾਇ ਚਲ– ਚੱਲਦਾ ਰਹਿ
ਕੋਟਿ – ਕਰੋੜ
ਆਗੇ ਹੋਇ – ਅੱਗੇ ਹੋ ਕੇ
ਲੇਤ ਹੈ– ਫੜ੍ਹ ਲੈਂਦਾ ਹੈ

ਜੇ ਕੋਈ ਵਿਅਕਤੀ ਗੁਰੂ ਦੇ ਰਸਤੇ ਤੇ ਤੁਰਨ ਲਈ ਇੱਕ ਕਦਮ ਚੁੱਕਦਾ ਹੈ, ਗੁਰੂ ਉਸ ਨੂੰ ਲੈਣ ਲਈ ਲੱਖਾਂ ਕਦਮ ਅੱਗੇ ਆਉਂਦਾ ਹੈ।

---

ਭਾਈ ਗੁਰਦਾਸ ਜੀ ਕਹਿੰਦੇ ਹਨ “ਜੇ ਤੁਸੀਂ ਗੁਰੂ ਨੂੰ ਮਿਲਣ ਲਈ ਇੱਕ ਕਦਮ ਚੁਕੋਗੇ ਤਾਂ ਗੁਰੂ ਵੀ ਤੁਹਾਡੀ ਮਦਦ ਕਰਨ ਲੱਖ ਕਦਮ ਚੁੱਕੇਗਾ।”
ਕੀ ਇਹ ਸੱਚ ਹੈ? ਹਾਂ ਪਰ ਤੁਹਾਨੂੰ ਇਸ ਇੱਕ ਕਦਮ ਨੂੰ ਸਹੀ ਤਰ੍ਹਾਂ ਸਮਝਣਾ ਪਏਗਾ।

ਇੱਕ ਕਦਮ ਅੱਗੇ ਚੁੱਕਣ ਦਾ ਮਤਲਬ ਹੈ ਕਿ ਤੁਸੀਂ ਆਪਣੀ ਜ਼ਿੰਦਗੀ ਬਦਲਣ ਦੀ ਇਕ ਵਚਨਬੱਧਤਾ ਲਵੋ।

ਤੁਸੀਂ ਜਾਣਦੇ ਹੋ ਕਿ ਚੰਦ ‘ਤੇ ਕਦਮ ਰੱਖਣ ਵਾਲੇ ਲੋਕਾਂ ਨੇ ਆਪਣੀ ਇਸ ਕਾਮਯਾਬੀ ਬਾਰੇ ਕੀ ਕਿਹਾ ਸੀ?

ਉਹਨਾਂ ਨੇ ਕਿਹਾ ਸੀ ਕਿ, “ਇਹ ਮਨੁੱਖ ਲਈ ਇਕ ਛੋਟਾ ਜਿਹਾ ਕਦਮ ਹੈ, ਮਨੁੱਖਜਾਤੀ ਲਈ ਇਕ ਵਿਸ਼ਾਲ ਛਾਲ ਹੈ।”

ਇਹ ਭਾਵੇਂ ਇੱਕ ਛੋਟੇ ਜਿਹੇ ਕਦਮ ਵਰਗਾ ਜਾਪਦਾ ਹੈ ਪਰ ਇਹ ਸਾਡੇ ਅੱਗੇ ਦੀ ਯਾਤਰਾ ਨੂੰ ਨਿਰਧਾਰਿਤ ਕਰਦਾ ਹੈ।

ਇੱਕ ਕਦਮ ਦਾ ਅਰਥ ਹੈ ਹੁਣ ਤੋਂ ਤੁਸੀਂ ਆਪਣੀ ਜ਼ਿੰਦਗੀ ਨੂੰ ਚੰਗਿਆਈ ਲਈ ਸਮਰਪਣ ਕਰੋਗੇ ਅਤੇ ਤਬਦੀਲੀ ਦੀ ਜ਼ਿੰਮੇਵਾਰੀ ਤੁਹਾਡੀ ਹੋਵੇਗੀ।

ਪਰ ਫੇਰ ਗੁਰੂ ਜੀ ਦੁਆਰਾ ਲੱਖ ਕਦਮ ਕਿਉਂ?

ਇਹ ਇਸ ਲਈ ਹੈ ਕਿ ਭਾਵੇਂ ਕੁਝ ਵੀ ਵਾਪਰ ਜਾਵੇ ਪਰ ਤੁਸੀਂ ਆਪਣੀ ਹਉਮੈ ਕਾਰਨ ਆਪਣੀ ਯਾਤਰਾ ਨੂੰ ਵਿਗਾੜ ਨਹੀਂ ਸਕਦੇ। ਇਸ ਲਈ ਗੁਰੂ ਪ੍ਰਤੀ ਧੰਨਵਾਦੀ ਹੋਣਾ ਮਹੱਤਵਪੂਰਣ ਹੈ।

ਤੁਹਾਡੇ ਹੱਥ ਵਿਚ ਇੱਕ ਬਲਦੀ ਅੱਗ ਹੈ ਜੋ ਤੁਹਾਡੇ ਮਾਰਗ ਨੂੰ ਰੋਸ਼ਨ ਵੀ ਕਰਦੀ ਹੈ ਪਰ ਉਹੀ ਤੁਹਾਨੂੰ ਸਾੜ ਵੀ ਸਕਦੀ ਹੈ। ਇਹ ਅੱਗ ਸਾਡੀ ਹਉਮੈ ਹੈ।

ਅਸੀਂ ਆਪਣੀਆਂ ਪ੍ਰਾਪਤੀਆਂ ਦੇ ਲਈ ਮਾਣ ਮਹਿਸੂਸ ਕਰ ਸਕਦੇ ਹਾਂ ਅਤੇ ਫਿਰ ਇਹ ਸਭ ਗੁਆ ਵੀ ਸਕਦੇ ਹਾਂ। ਇਸ ਲਈ ਇਹ ਗੁਰੂ ਹੀ ਹੈ ਜਿਸਨੇ ਸਭ ਕੁਝ ਲੱਖਾਂ ਕਦਮਾਂ ਨੂੰ ਚੁੱਕ ਕੇ ਸਾਡੇ ਲਈ ਕੀਤਾ ਹੈ।

ਬੁੱਧੀ, ਦਿਸ਼ਾ, ਸਹਾਇਤਾ, ਉਤਸ਼ਾਹ ਇਹ ਸਭ ਰੱਬ ਦੀਆਂ ਦਾਤਾਂ ਹਨ। ਪਰ ਉਹ ਇੱਕ ਛੋਟਾ ਜਿਹਾ ਕਦਮ ਹੈ ਤੁਹਾਡਾ ਹੈ।

ਦੀਖਿਆ, ਸਮਰਪਣ, ਪ੍ਰਤੀਬੱਧਤਾ, ਨਿਰੰਤਰਤਾ ਅਤੇ ਕਦੇ ਪਿੱਛੇ ਨਹੀਂ ਹੱਟਣਾ, ਇਹ ਰੱਬੀ ਸੁਭਾਅ ਹੈ।

*ਜੇ ਤੁਸੀਂ ਆਪਣੇ ਇੱਕ ਇੱਕ ਕਦਮ ਨਾਲ ਅੱਗੇ ਚਲਦੇ ਰਹੋਗੇ, ਤਾਂ ਨਤੀਜੇ ਲੱਖਾਂ ਗੁਣਾ ਜ਼ਿਆਦਾ ਹੋਣਗੇ ਜਿਸ ਬਾਰੇ ਤੁਸੀਂ ਕਦੇ ਕਲਪਨਾ ਵੀ ਨਹੀਂ ਕਰ ਸਕਦੇ।

ਅਤੇ ਪੂਰਤੀ ਦੇ ਹਰੇਕ ਪੜਾਅ ਦੇ ਬਾਅਦ ਉਸ ਰੱਬ ਦੇ ਸ਼ੁਕਰਗੁਜ਼ਾਰ ਬਣੋ। ਤਾਂ ਜੋ ਹੰਕਾਰ ਤੁਹਾਡੇ ਦੁਆਰਾ ਕੀਤੇ ਚੰਗੇ ਕੰਮਾਂ ਨੂੰ ਨਾ ਧੋ ਸਕੇ।