ਰੱਬ ਦਾ ਭਉ (ਭਾਗ – ੧)

ਤੁਸੀਂ ਕੁਕਿੰਗ ਗੈਸ ਬਾਲਦੇ ਹੋ , ਧਿਆਨ ਨਾਲ ਕਿਉਂ ਬਾਲਦੇ ਹੋ ? ਇਸ ਕਰਕੇ ਕਿ ਤੁਹਾਨੂੰ ਡਰ ਹੈ ਕਿ ਅੱਗ ਨਾ ਲੱਗ ਜਾਏ ।

ਤੁਸੀਂ ਡਰਾਈਵਿੰਗ ਧਿਆਨ ਨਾਲ ਕਿਉਂ ਕਰਦੇ ਹੋ ? ਤੁਹਾਨੂੰ ਡਰ ਹੈ ਕਿ ਐਕਸੀਡੈਂਟ ਨਾ ਹੋ ਜਾਏ ।

ਧਿਆਨ ਨਾਲ ਕਿਉਂ ਪੜ੍ਹਦੇ ਹੋ ? ਤੁਹਾਨੂੰ ਡਰ ਹੈ ਕਿਤੇ ਫੇਲ ਨਾ ਹੋ ਜਾਈਏ । ਧਿਆਨ ਨਾਲ ਬੰਦਾ ਕਿਉਂ ਤੁਰਦਾ ਹੈ ? ਡਰ ਹੈ ਕਿ ਕਿਧਰੇ ਡਿੱਗ ਨਾ ਪਵਾਂ ।

ਸੰਸਾਰ ਦਾ ਹਰ ਕਾਰਜ ਧਿਆਨ ਨਾਲ ਇਸ ਲਈ ਕਰੀਦਾ ਹੈ ਕਿਉਂਕਿ ਉਸ ਦੇ ਪਿੱਛੇ ਕੋਈ ਨਾ ਕੋਈ ਡਰ ਹੁੰਦਾ ਹੈ । ਡਰ ਬਿਨਾਂ ਧਿਆਨ ਹੁੰਦਾ ਹੀ ਨਹੀਂ |

ਤੇਰਾ ਸੁਭਾਉ ਹੀ ਬਣ ਚੁੱਕਿਆ ਹੈ ਕਿ ਬਿਨਾਂ ਭਉ ਧਿਆਨ ਨਹੀਂ ਟਿਕਦਾ । ਇਸ ਕਰਕੇ ਸਾਹਿਬ ਕਹਿੰਦੇ ਜਿਨ੍ਹਾਂ ਚਿਰ ਤੇਰੇ ਅੰਦਰ ਪਰਮੇਸ਼ਰ ਦਾ ਭਉ ਨਹੀਂ, ਤੇਰਾ ਧਿਆਨ ਟਿਕਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ ।

“ ਜਾਂ ਭਉ ਪਾਏ ਆਪਣਾ “(੪੯੦)

ਤਾਂ ਧਿਆਨ ਟਿਕੇਗਾ । ਰੱਬ ਦਾ ਧਿਆਨ ਧਰਨਾ ਹੈ ਤਾਂ ਰੱਬ ਦਾ ਭਉ ਵੀ ਚਾਹੀਦਾ ਹੈ |