ਰੱਬ ਦਾ ਭਉ (ਭਾਗ – ੨)

ਪਿਛਲੇ ਆਰਟੀਕਲ ਵਿੱਚ ਮੈਂ ਲਿਖਿਆ ਸੀ ਕਿ ਪਰਮੇਸ਼ਰ ਦਾ ਭਉ ਹੋਣਾ ਜ਼ਰੂਰੀ ਹੈ |

ਹੁਣ ਦੱਸੋ ਇਹ ਭਉ ਮਿਲੇਗਾ ਕਿਵੇਂ?

ਮਨ ਵਿੱਚ ਪ੍ਰਭੂ ਦੀ ਯਾਦ ਵਧਾਓ । ਜਿੰਨੀ ਜ਼ਿਆਦਾ ਯਾਦ ਵਧਾਉਗੇ ,ਉਤਨਾ ਪਿਆਰ ਵਧੇਗਾ । ਜਿੰਨਾ ਪਿਆਰ ਵਧੇਗਾ, ਉਨੀ ਯਾਦ ਵਧੇਗੀ ।

ਪਿਆਰੇ ਦੇ ਪਿਆਰ, ਤੇ ਪਿਆਰੇ ਦੀ ਯਾਦ ਵਿੱਚ ਟਿਕੇ ਰਹੋ ।ਰੱਬੀ ਬਾਣੀ ਦੁਆਰਾ ਰੱਬ ਦੇ ਗੁਣ ਗਾਈ ਜਾਓ, ਗਾਈ ਜਾਓ| ਉਸਦੀ ਯਾਦ ਵਧਾਈ ਜਾਓ ,ਵਧਾਈ ਜਾਓ।

ਜਿਵੇਂ ਜਿਵੇਂ ਰੱਬੀ ਬਾਣੀ ਦੁਆਰਾ ਗੁਣ ਗਾਈ ਜਾਓਗੇ, ਤੁਹਾਡੇ ਵਿੱਚ ਉਸ ਦੀ ਯਾਦ ਵਧੇਗੀ । ਜਦੋਂ ਯਾਦ ਵਧੇਗੀ ਤਾਂ ਤੁਹਾਨੂੰ ਉਸ ਦਾ ਭਉ ਪ੍ਰਾਪਤ ਹੋ ਜਾਏਗਾ, ਉਹ ਪਿਆਰਾ ਲੱਗੇਗਾ ।

ਜਿਸਦੇ ਨਾਲ ਪਿਆਰ ਹੋਵੇ ਉਸ ਦੀ ਹਰ ਗੱਲ ਚੰਗੀ ਲੱਗਦੀ ਹੈ । ਬਸ ਪਿਆਰ ਹੋ ਜਾਏ ਗੁਰੂ ਨਾਲ ਉਸ ਦੀ ਹਰ ਗੱਲ ਤੁਹਾਨੂੰ ਚੰਗੀ ਲੱਗਣ ਲੱਗ ਜਾਏਗੀ । ਫੇਰ ਉਸਦੀ ਹਰ ਬਾਣੀ, ਹਰ ਪੰਕਤੀ ਨਾਲ ਤੁਹਾਡਾ ਪਿਆਰ ਪੈ ਜਾਏਗਾ ।

ਪਿਆਰ ਪੈਣ ਨਾਲ ਹੀ ਇਹ ਸੋਝੀ ਤੁਹਾਡੇ ਅੰਦਰ ਆ ਜਾਵੇਗੀ |