ਖਾਲੀ ਹੋ ਕੇ ਮਰੋ

ਅਣਹੋਦੇ ਆਪੁ ਵੰਡਾਏ ॥ ਕੋ ਐਸਾ ਭਗਤੁ ਸਦਾਏ ॥
ਅੰਗ-੧੩੮੪

ਅਣਹੋਦੇ – ਕੁਝ ਨਾ ਹੁੰਦੇ ਹੋਏ
ਆਪੁ – ਆਪਣਾ ਆਪ
ਵੰਡਾਏ – ਵੰਡ ਦੇਵੇ
ਕੋ ਐਸਾ– ਕੋਈ ਐਸਾ ਵਿਅਕਤੀ
ਭਗਤੁ– ਭਗਤ
ਸਦਾਏ – ਕਹਾਉਂਦਾ ਹੈ

ਜਿਹੜਾ ਵਿਅਕਤੀ ਕੋਲ ਕੁਝ ਨਾ ਹੁੰਦੇ ਹੋਏ ਵੀ ਲੋਕਾਂ ਲਈ ਆਪਣਾ ਆਪ ਤੱਕ ਕੁਰਬਾਨ ਕਰ ਦਿੰਦਾ ਹੈ, ਅਜਿਹਾ ਵਿਅਕਤੀ ਹੀ ਭਗਤ ਜਾਂ ਰੂਹਾਨੀ ਵਿਅਕਤੀ ਕਹਾਉਂਦਾ ਹੈ।

---

ਖਾਲੀ ਹੋ ਕੇ ਮਰੋ

ਪੜ੍ਹਨ ਲਈ ਸਭ ਤੋਂ ਖੂਬਸੂਰਤ ਕਿਤਾਬ ਟੌਡ ਹੈਨਰੀ ਦੀ “ਖਾਲੀ ਹੋ ਕੇ ਮਰੋ” ਹੈ।

ਲੇਖਕ ਕਿਸੇ ਗੱਲ ਤੋਂ ਪ੍ਰੇਰਿਤ ਹੋਇਆ ਅਤੇ ਆਪਣੀ ਇੱਕ ਕਾਰੋਬਾਰੀ ਮੀਟਿੰਗ ਵਿੱਚ ਸ਼ਾਮਲ ਹੁੰਦੇ ਹੋਏ ਇਸ ਕਿਤਾਬ ਨੂੰ ਲਿਖਣ ਦਾ ਇਹ ਵਿਚਾਰ ਉਸਨੂੰ ਪ੍ਰਾਪਤ ਹੋਇਆ।

ਜਦੋਂ ਨਿਰਦੇਸ਼ਕ ਨੇ ਸਰੋਤਿਆਂ ਨੂੰ ਪੁੱਛਿਆ: “ਦੁਨੀਆ ਦੀ ਸਭ ਤੋਂ ਅਮੀਰ ਧਰਤੀ ਕਿੱਥੇ ਹੈ?”

ਦਰਸ਼ਕਾਂ ਚੋਂ ਕਿਸੇ ਇੱਕ ਮੈਂਬਰ ਨੇ ਜਵਾਬ ਦਿੱਤਾ: “ਤੇਲ ਨਾਲ ਭਰੇ ਖਾੜੀ ਰਾਜ।”

ਇੱਕ ਹੋਰ ਸਰੋਤਾ ਉੱਠਿਆ ਅਤੇ ਉਸਨੇ ਕਿਹਾ: “ਅਫਰੀਕਾ ਵਿਚ ਹੀਰੇ ਦੀਆਂ ਖਾਣਾਂ।”

ਤਦ ਨਿਰਦੇਸ਼ਕ ਨੇ ਕਿਹਾ: “ਨਹੀਂ, ਇਹ ਤਾਂ ਕਬਰਿਸਤਾਨ ਹੈ। ਹਾਂ, ਇਹ ਦੁਨੀਆ ਦੀ ਸਭ ਤੋਂ ਅਮੀਰ ਧਰਤੀ ਹੈ, ਕਿਉਂਕਿ ਲੱਖਾਂ ਲੋਕ ਚਲੇ ਗਏ / ਮਰ ਗਏ ਹਨ ਅਤੇ ਉਹਨਾਂ ਲੋਕਾਂ ਨੇ ਬਹੁਤ ਸਾਰੇ ਕੀਮਤੀ ਵਿਚਾਰ ਜੋ ਉਹ ਆਪਣੇ ਨਾਲ ਲੈ ਗਏ। ਜੋ ਨਾ ਤਾਂ ਸਾਹਮਣੇ ਆਏ ਅਤੇ ਨਾ ਹੀ ਉਹਨਾਂ ਨਾਲ ਦੂਜਿਆਂ ਨੂੰ ਲਾਭ ਪਹੁੰਚਿਆ। ਇਹ ਹੀ ਸਭ ਤੋਂ ਅਮੀਰ ਧਰਤੀ ਕਬਰਿਸਤਾਨ ਹੈ ਜਿੱਥੇ ਲੋਕਾਂ ਨੂੰ ਦਫ਼ਨਾਇਆ ਜਾਂਦਾ ਹੈ।”

ਇਸੇ ਗੱਲ ਦੇ ਉੱਤਰ ਤੋਂ ਪ੍ਰੇਰਿਤ ਹੋ ਕੇ ਟੌਡ ਹੈਨਰੀ ਨੇ ਆਪਣੀ ਕਿਤਾਬ “ਖਾਲੀ ਹੋ ਕੇ ਮਰੋ” ਵਿੱਚ ਲੋਕਾਂ ਨੂੰ ਪ੍ਰੇਰਿਤ ਕੀਤਾ ਹੈ ਉਹ ਆਪਣੇ ਚੰਗੇ ਵਿਚਾਰਾਂ ਨੂੰ ਉਹਨਾਂ ਦੇ ਭਾਈਚਾਰਿਆਂ ਤੱਕ ਫੈਲਾਉਣ ਅਤੇ ਉਸਨੂੰ ਲਾਭਕਾਰੀ ਚੀਜ਼ਾਂ ਵਿੱਚ ਬਦਲਣ, ਇਹ ਤੋਂ ਪਹਿਲਾਂ ਕਿ ਦੇਰ ਹੋ ਜਾਵੇ।

ਉਸ ਨੇ ਆਪਣੀ ਕਿਤਾਬ ਵਿਚ ਜੋ ਕੁਝ ਵੀ ਕਿਹਾ ਹੈ ਉਸ ਵਿੱਚ ਸਭ ਤੋਂ ਖੂਬਸੂਰਤ ਇਹ ਗੱਲ ਹੈ:

“ਆਪਣੀ ਕਬਰ ਪਹਿਲਾਂ ਹੀ ਤੇ ਨਾ ਜਾਓ ਅਤੇ ਆਪਣੇ ਅੰਦਰ ਦੀ ਸਭ ਤੋਂ ਉੱਤਮ ਚੀਜ਼ ਆਪਣੇ ਤੱਕ ਹੀ ਨਾ ਰੱਖੋ।”

ਹਮੇਸ਼ਾ ਖਾਲੀ ਹੋ ਕੇ ਮਰਨ ਦੀ ਚੋਣ ਕਰੋ।

ਇਸ ਗੱਲ ਦਾ ਸਹੀ ਅਰਥ ਇਹ ਹੈ ਕਿ ਤੁਹਾਡੇ ਅੰਦਰਲੀ ਸਾਰੀ ਚੰਗਿਆਈ ਨੂੰ ਬਾਹਰ ਕੱਢਣਾ ਹੀ ਖਾਲੀ ਹੋ ਕੇ ਮਰਨਾ ਹੈ। ਇਸ ਨੂੰ ਦੁਨੀਆ ਦੇ ਹਵਾਲੇ ਕਰੋ।

ਜੇ ਤੁਹਾਡੇ ਕੋਲ ਕੋਈ ਵਿਚਾਰ ਹੈ, ਤਾਂ ਇਸ ਨੂੰ ਪੂਰਾ ਕਰੋ।
ਜੇ ਤੁਹਾਡੇ ਕੋਲ ਕੋਈ ਗਿਆਨ ਹੈ, ਤਾਂ ਇਸਨੂੰ ਵੰਡੋ।
ਜੇ ਤੁਹਾਡਾ ਕੋਈ ਟੀਚਾ ਹੈ, ਤਾਂ ਇਸ ਨੂੰ ਪ੍ਰਾਪਤ ਕਰੋ।
ਪਿਆਰ ਕਰੋ, ਸਾਂਝਾ ਬਣਾਓ ਅਤੇ ਵੰਡੋ, ਇਸ ਨੂੰ ਅੰਦਰ ਹੀ ਨਾ ਰੱਖੋ।

ਆਓ ਵੰਡਣਾ ਸ਼ੁਰੂ ਕਰੀਏ। ਆਪਣੇ ਅੰਦਰਲੇ ਨੇਕੀ ਦੇ ਹਰ ਐਟਮ ਨੂੰ ਫੈਲਾਓ।

ਦੌੜ ਸ਼ੁਰੂ ਕਰੋ …..

ਖਾਲੀ ਹੋ ਕੇ ਮਰੋ।