ਪਰਉਪਕਾਰੀ ਮਨੁੱਖ

ਮਿਥਿਆ ਤਨ ਨਹੀ ਪਰਉਪਕਾਰਾ ॥
ਅੰਗ- ੨੬੯

ਮਿਥਿਆ– ਵਿਅਰਥ
ਤਨ– ਸਰੀਰ
ਨਹੀ– ਨਹੀਂ
ਪਰਉਪਕਾਰਾ– ਪਰਉਪਕਾਰ ਕਰਦਾ

ਉਹ ਸਰੀਰ ਦਾ ਜਿਓਣਾ ਵਿਅਰਥ ਹੈ ਜੋ ਪਰਉਪਕਾਰ ਨਹੀਂ ਕਰਦਾ।

---

ਇਸ ਸੁੰਦਰ ਸੋਚ ਨੂੰ ਬਿਆਨ ਕਰਨ ਮੈਂ ਇੱਕ ਵੀਰ ਦਾ ਧੰਨਵਾਦ ਕਰਦੀ ਹਾਂ।

“ਇੱਕ ਕੰਪਨੀ ਵਿੱਚ ਹਰ ਸਾਲ ਇੱਕ ਪਾਰਟੀ ਕਰਾਉਣ ਅਤੇ ਲਾਟਰੀ ਲਾਉਣ ਦੀ ਰਵਾਇਤ ਸੀ।”

ਲਾਟਰੀ ਡਰਾਅ ਦੇ ਨਿਯਮ ਇਸ ਪ੍ਰਕਾਰ ਸਨ:
ਹਰੇਕ ਕਰਮਚਾਰੀ ਇੱਕ ਫੰਡ ਵਜੋਂ ਦਸ ਡਾਲਰ ਅਦਾ ਕਰਦਾ ਹੈ।
ਕੰਪਨੀ ਵਿਚ ਤਿੰਨ ਸੌ ਲੋਕ ਸਨ। ਦੂਜੇ ਸ਼ਬਦਾਂ ਵਿਚ, ਕੁਲ ਤਿੰਨ ਹਜ਼ਾਰ ਡਾਲਰ ਇਕੱਠੇ ਕੀਤੇ ਜਾ ਸਕਦੇ ਸਨ। ਜੇਤੂ ਸਾਰੇ ਪੈਸੇ ਘਰ ਲੈ ਕੇ ਜਾ ਸਕਦਾ ਸੀ।

ਲਾਟਰੀ ਡਰਾਅ ਵਾਲੇ ਦਿਨ, ਦਫਤਰ ਵਿੱਚ ਬੜੀ ਰੌਣਕ ਹੁੰਦੀ ਸੀ। ਹਰ ਇੱਕ ਨੇ ਕਾਗਜ਼ ਦੀਆਂ ਸਲਿੱਪਾਂ ਤੇ ਆਪਣੇ ਨਾਮ ਲਿਖ ਕੇ ਲਾਟਰੀ ਬਾਕਸ ਵਿੱਚ ਪਾ ਦਿੱਤੇ।

ਹਾਲਾਂਕਿ ਇੱਕ ਨੌਜਵਾਨ ਨੇ ਜਦੋਂ ਆਪਣਾ ਨਾਮ ਲਿਖਿਆ ਤਾਂ ਉਹ ਝਿਜਕ ਰਿਹਾ ਸੀ ਕਿਉਂਕਿ ਉਸਨੇ ਸੋਚਿਆ ਕਿ ਕੰਪਨੀ ਦੀ ਸਾਫ਼ ਸਫਾਈ ਕਰਨ ਵਾਲੀ ਔਰਤ ਦਾ ਬਿਮਾਰ ਪੁੱਤਰ ਜਲਦੀ ਹੀ ਇੱਕ ਅਪ੍ਰੇਸ਼ਨ ਕਰਾਉਣ ਜਾ ਰਿਹਾ ਹੈ ਪਰ ਉਸਦੇ ਕੋਲ ਅਪ੍ਰੇਸ਼ਨ ਦਾ ਭੁਗਤਾਨ ਕਰਨ ਲਈ ਲੋੜੀਂਦੇ ਪੈਸੇ ਨਹੀਂ ਹਨ, ਜਿਸ ਕਾਰਨ ਉਹ ਕਾਫ਼ੀ ਪ੍ਰੇਸ਼ਾਨ ਹੋ ਗਈ।

ਭਾਵੇਂ ਉਹ ਜਾਣਦਾ ਸੀ ਕਿ ਜਿੱਤਣ ਦਾ ਮੌਕਾ ਇਹਨਾਂ ਸੌਖਾ ਨਹੀਂ ਹੈ ਅਤੇ ਸਿਰਫ਼ ਤਿੰਨ ਪ੍ਰਤੀਸ਼ਤ ਜਿੱਤਣ ਦੇ ਚਾਂਸ ਦੇ ਨਾਲ, ਆਦਮੀ ਨੇ ਨੋਟ ‘ਤੇ ਸਫਾਈ ਕਰਨ ਵਾਲੀ ਔਰਤ ਦਾ ਨਾਮ ਲਿਖ ਦਿੱਤਾ।

ਤਣਾਅ ਵਾਲਾ ਪਲ ਆ ਗਿਆ। ਬੌਸ ਨੇ ਲਾਟਰੀ ਬਾਕਸ ਹੱਥ ਪਾ ਕੇ ਇੱਕ ਨੋਟ ਨੂੰ ਬਾਹਰ ਕੱਢਿਆ। ਅਤੇ ਫਿਰ…ਵੋਇਲਾ … ਇੱਕ ਚਮਤਕਾਰ ਹੋਇਆ!

ਜੇਤੂ ਸਫਾਈ ਕਰਨ ਵਾਲੀ ਔਰਤ ਬਣ ਗਈ !!!

ਦਫਤਰ ਵਿੱਚ ਸਭ ਬਹੁਤ ਖੁਸ਼ ਹੋਏ ਅਤੇ ਸਫਾਈ ਕਰਨ ਵਾਲੀ ਔਰਤ ਜਲਦੀ ਨਾਲ ਅਵਾਰਡ ਸਵੀਕਾਰ ਕਰਨ ਲਈ ਸਟੇਜ ਤੇ ਗਈ। ਉਸਦੇ ਹੰਝੂ ਵਹਿਣ ਲੱਗ ਪਏ ਅਤੇ ਉਸਨੇ ਕਿਹਾ ਕਿ , “ਮੈਂ ਬਹੁਤ ਭਾਗਸ਼ਾਲੀ ਹਾਂ! ਇਸ ਪੈਸੇ ਨਾਲ ਹੁਣ ਮੇਰੇ ਪੁੱਤਰ ਨੂੰ ਜਿਉਣ ਦੀ ਉਮੀਦ ਮਿਲੇਗੀ !”

ਪਾਰਟੀ ਤੋਂ ਬਾਅਦ ਜਦੋਂ ਉਹ ਆਦਮੀ ਲਾਟਰੀ ਬਾਕਸ ਵੱਲ ਗਿਆ। ਉਸਨੇ ਕਾਗਜ਼ ਦਾ ਇੱਕ ਟੁਕੜਾ ਬਾਹਰ ਕੱਢਿਆ ਅਤੇ ਇਸਨੂੰ ਖੋਲ੍ਹਿਆ। ਇਸ ‘ਤੇ ਨਾਮ ਸਫ਼ਾਈ ਕਰਨ ਵਾਲੀ ਔਰਤ ਦਾ ਸੀ! ਆਦਮੀ ਬਹੁਤ ਹੈਰਾਨ ਹੋਇਆ। ਉਸਨੇ ਇੱਕ ਤੋਂ ਬਾਅਦ ਇੱਕ ਕਾਗਜ਼ ਦੇ ਕਈ ਟੁਕੜੇ ਕੱਢ ਲਏ। ਹਾਲਾਂਕਿ ਉਨ੍ਹਾਂ ‘ਤੇ ਲਿਖਤ ਵੱਖਰੀ ਸੀ, ਨਾਮ ਇਕੋ ਜਿਹੇ ਸਨ, ਇਹ ਸਾਰੇ ਸਫ਼ਾਈ ਕਰਨ ਵਾਲੀ ਔਰਤ ਦੇ ਨਾਮ ਸਨ।

ਆਦਮੀ ਦੀਆਂ ਅੱਖਾਂ ਹੰਝੂਆਂ ਨਾਲ ਭਰ ਗਈਆਂ ਅਤੇ ਉਹ ਸਪਸ਼ਟ ਤੌਰ ਤੇ ਸਮਝ ਗਿਆ ਸੀ ਕਿ “ਦੁਨੀਆਂ ਵਿੱਚ ਬਹੁਤ ਸਾਰੇ ਚਮਤਕਾਰ ਹੋਏ ਹਨ, ਪਰ ਉਹ ਅਸਮਾਨ ਤੋਂ ਨਹੀਂ ਡਿੱਗਦੇ, ਸਾਨੂੰ ਉਨ੍ਹਾਂ ਨੂੰ ਖੁਦ ਪੈਦਾ ਕਰਨ ਦੀ ਲੋੜ ਹੈ!”